Imphal, Nailar:
Ki shipai ka tnat ïada ri ha Manipur ki la ïoh ban kurup ïa kumba 7 tylli ki tiar siat bad kumba 81 tylli ki kuli ha kine ki 24 kynta ba la leit ha ka por ba la pynlong ïa ka jingleit khynra bad pahara ha ki thaiñ kiba la shah ktah na ki kynrum-kynram jong ka Imphal East, Kangpokpi bad Tengnoupal distrik.
Ha kaba ïadei bad kane, ka la don ka jingpyntreikam bad ka jingleit khynra da ki shipai ïada ri ha Imphal West, Imphal East, Thoubal, Kakching, Churachandpur, Tengnoupal, Kangpokpi bad Bishnupur distrik. Ki la don baroh kumba 129 tylli ki Naka, ki Checkpoint ba la buh ha kiba bun ki distrik jong ka Manipur, kaba la long ha baroh ar, kata ha ki jaka lum bad ki jaka them bad ki pulit ki la ïoh ban kem ïa kumba 1369 ngut ki briew kiba la donkti ha ki jingïakynad ha kiba bun ki distrik jong ka jylla.
Ha kawei pat ka bynta, ki la don kumba 6 ngut ki briew kiba la shahkem ha ki pulit jong ka Manipur halor ka jinglap daw ba ki la wanrah ïa ki jingïakajia.
