Jowai, Nailar 22
Ka lympung ïalehkai 2nd Division Football Tourna-ment ïa kaba la tip kum “6th Debo Shullai Memo-rial Trophy” ba la pynïaid da ka West Jaiñtia District Sports Association (WJDSA) ka la sdang ha ka sngi Ba-ar ha madan Kiang Nangbah Stadium Ladthadlaboh, Jowai.
Ha kane ka sngi sdang, ka jingïakhun kaba nyngkong ka la long hapdeng ka Maitshaphrang Mootyrchiah Sports Club pyrshah ïa ka Caroline Colony Sports Club. Ka jingïalehkai ka la long kaba itynnad hynrei ha kaba kut, ka Maitsha-phrang Mootyrchiah ka la jop da 3-1 kol.
Ïa ki kol jong ka Mait-shaphrang Mootyrchiah SC la ïoh ban thep da u Batskhem Dkhar ha ka minit kaba 63, u Raymond Sten ha ka minit ba 66 bad u Arwan Lyngdoh ha ka minit kaba 77. Katba ïa ka shi kol jong ka Caro-line Colony SC la ïoh ban thep da u Gestar Dkhar ha ka minit kaba 40+1.
Haba phai pat sha ka jingïalehkai kaba bud, ka jingïakhun kaba la long hapdeng ka Nangbah Dukhu Sports Club pyrshah ïa ka Khliehmyn-krem Sports Club ka la kut noh ha ka jingïakhaid hadien ba baroh ar liang ki la ïoh ban khyrwit mar shi kol.
Ïa ka kol jong ka Nangbah Dukhu SC la ïoh ban thep da u Ewanmi Pasi ha ka minit kaba 17 bad ïa ka kol jong ka Khliehmynkrem SC la ïoh ban thep da u Pascal Phawa ha ka minit kaba 76.
Ha ka sngi Balang ka 23 tarik pat, ka jingïakhun kan long hapdeng ka Chutwakhu Sports Club pyrshah ïa ka Dong-mihsngi Sports Club ha ka por 12 baje mynsngi. Katba ha ka por 2 baje mynsngi pat ka jingïakhun kan long hapdeng ka Lumpariat Sports Club pyrshah ïa ka West Madan Mustem Sports Club.
