Khliehriat, Nailar 22
Ka lympung ïalehkai 2nd Division Football Tourna-ment kaba la pynïaid da ka East Jaiñtia Hills District Football Association (EJHDFA) ka la ïaid shaid shaid shakhmat.
Haba phai sha ka jing-ïakhun kaba la long ha ka sngi Ba-ar ha madan Arti-ficial Turf Diengshyrum, ka jingïakhun kaba la long hapdeng ka Iongkaluh SCSC pyrshah ïa ka Lakadong Umlatdoh Sports Club ka la kut noh ha ka jingïakhaid khlem da don kiba lah ban pynkhih jar.
Kumta lyngba kane ka jingïakhaid ka la pynlong ruh ïa ka Lakadong Umlatdoh Sports Club ban ïoh rung sha ka jingïakhun quarter-final jong kane ka lympung.
Haba phai pat sha ka jingïalehkai kaba bud, ka jingïakhun hi ka la long kaba itynnad bad kaba ïakhaid bad biang bor bha bad ha kaba kut baroh ar liang, kata ka Tuberkmaishnong Sports Club bad ka Sutnga Mission SSCC ki la hap ban hun noh ban ïasam mar shi point, hadien ba ki la ïakhaid noh da mar shi kol.
Ïa ka kol jong ka Sutnga Mission SSCC la ïoh ban thep da u Greatstar Pajuh ha ka minit kaba 23 bad ïa ka kol jong ka Tuberkmaishnong SC la ïoh ban thep da u Tony AR Phawa ha ka minit kaba 12.
Ha ka jingïalehkai kaba khatduh jong kane ka sngi, ka Iapmala United Sports Club ka la lah ban pynliem noh ïa ka Iatyllilang Hingaria Sports Club da 1-0 kol. Ïa kane ka kol jong ka Iapmala United la ïoh ban thep da u Spainlang Lamo ha ka minit kaba 46.
