Shillong, Nailar 22
Ka Jalapang Sports Club ka la ïoh rung sha ka quarter-final jong ka lympung 7th Invitation Wahiajer Football Tournament 2023 hadien ba ka lah ban pynliem noh ïa ka Ehrngiew Football Club da 4-3 kol kaba la wan lyngba ka jingshut tie-breaker ha ka jingïalehkai kaba la long ha Wahiajer Stadium.
Haba phai sha ka jingïalehkai kaba la long hapdeng kitei ki ar kynhun, ka la kut noh ha ka jingïakhaid da mar shi kol. Dei ka Ehrngiew FC kaba la ïoh ban khyrwit kol nyngkong ha ka minit ba 67 lyngba u Banshan Nongdhar hynrei ha ka minit kaba 80 u Ebormi Jat u la ïoh ban pynphai ïa kane ka shi kol, kumta na ka liang ki nongpynïaid ki la rah noh sha ka jingshut tie-breaker.
Ha kane ka jingïalehkai, u Riburom Jat jong ka Jalapang SC u la khur ïa ka khusnam ‘Player of the Match’ na ka bynta ka jinglah ban ïalehkai bha jong u ha ka bynta ba shadien.
Ka jingïalehkai ban wan jong kane ka lympung kan long ha ka 26 tarik mynta u bnai, ha kaba ka Mawryngkneng Mission Sports Club kan ïakhun pyrshah ïa ka Sikai Football Club ha ka por 3 baje janmiet. Kane kan dei ruh ka jingïalehkai quarter-final kaba nyngkong jong katei ka lympung.
