Imphal, Nailar:
Ka Kynhun Myntri jong ka Manipur ka la shim ïa ka rai na ka bynta ban pynlong ïa ka dorbar ha Manipur Legislative Assembly kaba dei ruh ka dorkar Lyiur ha ka 29 tarik, Nailar, khnang ban lait na kino kino ki jingbuh jingeh ha ka Riti synshar.
Ka Kynhun Myntri ha kane jylla ba la pynïaid da u Myntri Rangbah N. Biren Singh ha ka Lah Sngi U Blei ka la rai ban pynlong noh ïa ka dorbar kaba 4 na ka bynta kaba 12 jong ka dorbar Lyiur jong ka Manipur Legislative Assembly ha ka 29 tarik, Nailar, 2023, la ong ka jingthoh ba la phah da ka Chief Minister’s Office lyngba ka Twitter.
Wat lada ka Lat jong ka jylla ka Anusuiya Uikey ka la ai jingmut ban pynlong noh ïa ka dorbar naduh ka Lah Sngi U Blei, ka ïingdorbar kam shym lah ban shong dorbar ha ka 21 tarik, Nailar naba ym pat phah jingthoh da ka Raj Bhavan haduh mynta, la ong ki heh sorkar, ha kaba kane ka la buh jingeh. Kane ka rai ka la long hadien ba 10 ngut ki MLA Kuki ki la rai ban ym ïashim bynta ha ka dorbar naba ki jingïakynad ha ka jylla ki dang bteng haduh kine ki sngi ba mynta.
