Shillong, Nailar 23
Ka Mawkriah West Sports Club bad ka Umrynjah Sports Club ki la ïoh khur ka jingjop ha ka lympung SSA U-20 4th Division Football League 2023, ïa kaba la pynïaid da ka Shillong Sports Association ha madan 3rd Ground MFA Turf, Polo.
Haba phai sha ka jingïalehkai ba nyngkong ba la long ha ka sngi Balang, ka Mawkriah West SC ka la lah ban pynliem noh ïa ka Laitkroh Sports Club da 1-0 kol bad ïa kane ka kol la ïoh ban khyrwit da u Damutskhem Nongbri ha ka minit kaba 24.
Haba phai sha ka jingïalehkai kaba ar jong kane ka sngi, ka Umrynjah Sports Club ka la lah ban pynliem noh ïa ka Lumpyngngad Sports Club da 1-0 kol bad ïa kane ka kol la ïoh ban thep da u Keeperstar Lyngdoh ha ka minit kaba 35.
