Imphal, Nailar:
Ka United Naga Council (UNC), kaba long ka kynhun seng kaba heh jong ki Naga ha Manipur, ha ka Lah Sngi U Blei ka la kyntait ïa ka jingdawa jong ka seng ki Kuki na ka bynta ban buh ïa ki Post Chief Secretary bad Director General of Police ne ki Post ba ïaryngkat ha ki thaiñ ha Kuki.
Ki 10 ngut ki MLA ka Manipur kiba dei na ka kynhun jong ka Kuki-Zo kynthup ïa ki 7 ngut na ka seng BJP, ki la phah da ka shithi sha u Myntri Rangbahduh u Narendra Modi ha ka taïew ba la lah na ka bynta ban pynmih ïa kitei ki Post jong ka kyrdan DGP bad Chief Secretary na ka bynta ki Kuki kiba shong basah ha ki distrik kiba don ha Manipur.
Ki 10 ngut ki MLA bad ar tylli ki kynhun ba mihkhmat ïa ki riewlum ka Indigenous Tribal Leaders’ Forum (ITLF) bad ka Kuki Inpi Manipur (KIM) ki la dawa ba la dei ban phiah ïa ki heh nongsynshar na ka bynta ki riewlum.
Ïa kane ka jingdawa la pyrshah da baroh ar, kata da ka sorkar kmie bad ka sorkar jylla.
