Khliehriat, Nailar 23
Ka Lama Youth Sports Club bad ka Lakadong Ummat Sports Club ki la rung sha ka jingïakhun jong ka wat kaba ar jong ka lympung ïalehkai 3rd Division Football Tournament kaba la pynïaid da ka East Jaiñtia Hills District Football Association (EJHDFA).
Kane ka la wan hadien ba ki la khur jingjop ha ka jingïakhun kaba la long ha ka sngi Balang ha madan Artificial Turf Diengshynrum, East Jaiñtia Hills.
Haba phai sha ka jingïalehkai kaba nyngkong, ka jingïakhun ka la kut noh ha ka jingïakhaid da mar 1-1 kol kaba la long hapdeng ka Wapungskur SWO pyrshah ïa ka Musniang DKSC.
Ha kawei pat ka jingïakhun kaba bud, ka Lama Youth SC ka la lah ban pynliem noh ïa ka Lion Sports Club Borghat da 2-0 kol. Ïa ki kol jong ka Lama Youth la ïoh ban thep da u Hajan Rymbai ha ka minit kaba 25 bad u Banshan Dong ha ka minit kaba 34.
Haba phai pat sha ka jingïakhun kaba khatduh jong kane ka sngi, ka jingïalehkai hapdeng ka Nongsning Sports Club pyrshah ïa ka Lakadong Ummat Sports Club ka la kut ha ka jingïakhaid khlem da don kiba la ïoh ban pynkhih jar wat hadien ba ki la pyrshang katlah katïai ban thep kol.
