Aizawl, Nailar:
Ki la don lai ngut ki nongshong shnong jong ka Myanmar bad arngut ki nongshong shnong jong ka Tripura kiba la shahkem halor ka jingrah ïa 9.782 kilograms (kaba kynthup ïa 1,00,000 tylli ki dawai kuli) u Methamphetamine ha Aizawl ha ka sngi Ba-ar, la ong ka kyrwoh ba la phah da ka tnat Excise and Narcotics jong ka jylla.
Ka jingthoh ka la ong ba ïa kine ki kuli Meth la die da lai ngut ki nong Myanmar sha ki arngut ki nongshong shnong jong ka Tripura ïa kaba la thmu ban die shabar jong ka Mizoram. Ïa kine ki song jong u drok la khaïi na Myanmar, ka la ong. Kawei ka Maruti Brezza ba la pyndonkam ha ka ban kit ïa kine ki drok ka la shah kurup noh ha kane ka kynhun jong ka tnat ba dei khmih, la ong ka kyrwoh.
Baroh san ngut kiba la shah kynnoh ki la shah pynngat ha ki kyndon aiñ jong ka Narcotics Drugs & Psychotropic Substances Act, 1985 (NDPS Act), ka la ong. Kine kiba la shah kynnoh lada jia ba ki la shah rai pynrem kin hap ban shong patok da kumba 10 haduh 20 snem bad kin sa shah daiñ kuna da kumba T.2 lak, la bynrap ka kyrwoh.
