Guwahati, Nailar:
Ki la don kumba saw ngut ki briew kiba la shahkem ha ryngkat ka pisa thok ha Goalpara distrik kaba don ha Assam ha ka sngi Ba-ar, la ïathuh ki pulit ha ka kyrwoh.
La ïathuh ba ka la don ka jingpyntreikam da ka kynhun Special Task Force (STF) jong ki pulit ka jylla, haba ki la ïoh jingtip halor ka jingdon jong kine ki briew, bad ka pisa thok ha ka thaiñ Krishnai jong ka Goalpara.
Kumta ka kynhun STF ka la mih na Guwahati mynstep bad ha ka por 1 nohphai sngi ki la lap ïa ka kali ha Krishnai. Ki la don kumba lai ngut ki briew, ha kaba baroh ki dei ki nongshong shnong jong ka nongbah, kiba la shahkem na ka kali, la ong ka jingthoh ba la phah.
Ha ka por ba ka la don ka jingkhmih bniah, la lap ïa 29 song ki lut T. 500 kiba shu thok ba la ïoh ban kurup na ka kali. “Ïa ka pisa thok, ka kali bad saw tylli ki Mobile Phone la kurup noh. Ïa baroh kiba la shahkem bad kiba la kurup la aiti sha ki pulit jong ka Krishnai na ka bynta ban pynlong ïa ka jingtohkit,” la ong shuh shuh ka kyrwoh.
