Shillong, Nailar 23
U rangïalehkai pdeng ka Manchester United u Mason Mount un duh ïa ki ar tylli ki jingïalehkai jong ka club ha ka lympung Premier league namar ka jingshitom.
Ka khubor na ka club ka la ong ba la khmih lynti ba u Mount un sa lah ban mih madan biang tat hadien ka jingpynsangeh ba shipor ïa ka lympung na ka jingdon jong ki jingïalehkai paralok bad kiwei ki jingïakhun jong ki Ri.
U Mason Mount u la pynïasoh sha ka United na ka Chelsea ha u bnai Jylliew ha ka dor kaba la kot sha ka £55m.
Ka Manchester United hapoh ka jingkhmih jong u Erik ten Hag kan hap ban ïakhun pyrshah ïa ka Nottingham Forest ha kane ka sngi Saitjaiñ bad nangta kan hap ban ïakhun sa ïa ka Arsenal ha ka 3 tarik u Nailur.
Kumba ka long mynta, u Mason Mount u don ruh hapdeng ka jingartatien ban ïoh mih madan ïa ka England, ha ka jingïalehkai pyrshah ïa ka Ukraine ha ka lympung ïaknieh rung sha ka Euro 2024 ka ban long ha ka 9 tarik Nailur.
