Shillong, Nailar 24
Ka Madan S&CC bad ka Iatyllilang Sports Club ki la khur jingjop ha ka jingïalehkai jong ka lympung SSA U-20 4th Division Football League 2023 ba la pynïaid da ka Shillong Sports Association (SSA).
Haba phai sha ka jingïalehkai ba la pynlong ha 3rd Ground MFA Turf, Polo ha ka sngi Palei, ka Madan ka la pynliem noh ïa ka Laitlulong Sports Club da 2-1 kol.
Ka jingïalehkai ka la long kaba itynnad bad ïakhaid bha ha kaba baroh ar liang ki la ïakhun tyngeh naduh kaba sdang bad dei ka Laitlulong kaba la thep kol nyngkong lyngba u Wellistar Nongbri ha ka minit ba 42 hynrei kane kam shym la pynduh mynsiem bad ki rangïalehkai ka Madan ki la ïakhun tyngeh bad tang ha ka minit ba 45 bad 47 ki la ïoh thep ar tylli ki kol, ba la thep da u Imanbha Marbaniang.
Haba phai pat sha ka jingïalehkai ba ar, ka Iatyllilang ka la pynliem noh ïa ka Mawlynrei Sports Club da 2-1 kol. Ïa ki kol ka Iatyllilang la thep da u Melawantei Kharmuti ha ka minit ba 35 bad 35+4 katba ïa ka kol ka Mawlynrei la thep da u Heraldo Kyrsian ha ka minit ba 27.
