Paris, Nailar:
Ki bor pyniaid ka France ha ka Sngi Ba-ar ki la iathuh ba uwei u khynnah 10 snem u la shah siat iap ha kawei ka jingjia kaba la suba ba dei ki kam thombor jong ki runar khaïi drok ha ka thaiñ Shathie jong ka shnong Nimes hapoh France.
Utei u khynnah u don hapoh ka kali ha ryngkat bad u mama jong u, katba ki dang iaid lyngba ia ka thaiñ Pissevin jong katei ka nongbah, ha kaba ki la kynduh ia katei ka kynhun ki runar bad ki la shah thombor ha ka por kumba 11:30 jong ka miet Sngi Nyngkong.
Ki bahaiing jong kitei ki 2 ngut, ki iathuh ba na ka liang ka iing, ki ju iadei kam ne iadon bynta eiei bad kitei ki kynhun runar bad ym don ruh kiba ngop ha utei u jingdih na ka iing jongki. Hynrei ka dei ka jingsniew bok jongki ba katei ka leit thaw jia ha ka por ba kitei ki 2 ngut ki leit poi iaid lynti na katei ka jaka ha katei ka por.
Ki pulit ki dang wad bniah ban ioh pynithuh ia kitei ki runar kiba don kti ha katei ka jingjia bad ban ioh kem noh ruh ia ki ha ka por kaba biang.
