Itanagar, Nailar:
Ki la don baroh kumba 356 ngut ki nong Myanmar, kynthup ïa ki longkmie bad ki khynnah, kiba la wan ban ïashim bynta ha ka ban shah sumar bad ïoh dawai ei ha ka sngi ba la pynlong ïa ka Health Camp ba la pynïaid da ka Assam Rifles ha ki bynta jong ka International Border, la ong u nongaiktien.
Kane ka kynhun shipai, ha ryngkat ki heh sorkar jong ka thaiñ ha Arunachal Pradesh, ki la pynlong ha ka sngi Balang ïa ka “Friendship Medical Camp” ha Pangsau Pass ha ki bynta jong ka khappud India-Myanmar na ka bynta ban ai jingmyntoi sha ki nongshong shnong jong ka Pangsau bad Arakan Gut jong ka thaiñ Sagaing jong ka ri ba marjan.
