Gantok, Nailar:
Ka jingtwa khyndew ka la shim ïa ka jingim jong iwei u heprit ha Lower Lungchok kaba hap hapoh ka Maneybong- Dentam konstitwensi hapoh ka West Sikkim.
Kumba la ïoh jingtip la ong ba ka jingtwa khyndew ka la pynjulor ïa ka ïing jong uwei u nongshong shnong ba la tip kyrteng kum u Nar Bahadur Chettri bad ha ka jingpyntreikam ki pulit ki la ïoh ba sei ïa ka met jong i heprit ba dang 4 snem ka rta.
Ha kawei pat ka bynta, baroh ki surok PWD ha West Sikkim ki la shah khang lynti na ka daw jong ka jingtwa khyndew. Ha basdang jong une u bnai, ka la don ka jingtwa khyndew kaba jur kumba la ïoh ban ring ha ka Mobile Camera ha ka sngi Palei ha ki bynta jong ka NH10 hapdeng ka Ranipul bad ka Singtam ha ka 32 No.
