Khliehriat, Nailar 27
Ka lympung ïalehkai 2nd Division bad 3rd Division Football Tournament kaba la neh shibnai lynter ba la pynïaid da ka East Jaiñtia Hills District Football Association (EJHDFA) ka la jam mynta sha ka quarter-final jong ka kylla-16.
Baroh ar tylli kine ki kyrdan ïalehkai kin sdang biang ïa ka jingïa-lehkai naduh ka 5 tarik jong u bnai Nailur.
Haba phai sha ka jingïakhun kaba khatduh jong ka 2nd Divi-sion kaba la long ha madan Artificial turf ha Diengshynrum, Khlieh-riat ha ka sngi Saitjaiñ, ka Diengshynrum Sports Club kala jop da 3-1 kol ïa ka Ladrymbai Dongwah Sports Club.
Ïa ki kol jong ka Diengshynrum la ïoh ban thep da Rumi Lyngdoh uba la khyrwit haduh ar kol kata ha ka minit kaba 43 bad 78 bad ïa ka shi kol la ïoh ban thep da u Bewithus Sympli ha ka minit ba 74. Katba ïa ka shi kol jong ka Ladrymbai Dongwah SC la ïoh ban thep da u Promi Tariang ha ka minit ba 8.
Ha kawei pat ka jingïakhun, ka Pamrakmai Sports Club kala jop da 1-0 kol ïa ka Iongkaluh Wahsder Sports Club. Ïa kane ka kol ka Pamrakmai la ïoh ban thep da u Nirmal Dkhar ha ka minit ba 80.
Katba ha ka jingïa-khun hapdeng ka Um-lynsha Youth SSC pyrshah ïa ka Jalyiah United Sports Club, kane ka jingïakhun ka la kut noh ha ka jingïakhaid hadien ba khlem don kiba lah ban pynkhih jar wat haduh ba kut.
Da kane ka namjop, ka Diengshynrum SC bad ka Ladrymbai SC kila wan nyngkong bad ba ar ha ka miej ïakheiñ point ha ka Pool B, ka Pamrakmai SC na ka Pool C kala wan ba ar bad ka Jalyiah bad ka Umlyngsha na ka Pool D kila buh jaka ïalade sha ka quarter final.
Ka EJHDFA kala pyntip ba ïa ka lympung Under-16 Football Tournament yn sa sdang naduh ka taïew ban wan, kata ka 28 tarik Nailar.
