Shillong, Nailar 28
Ka St. Anthony’s Col-lege ka la long ka kynhun kaba nyngkong ban jam sha ka semi final ha ka lympung ïalehkai Inter College Football Men Tournament ba la pynïaid da ka skulbah NEHU.
Kane ka jinglah ban pynthikna ka la wan urlong hadien ba ka lah ban pynliem noh ïa ka Morningstar College da 5-3 kol ha ka jingïakhun quarter final kaba nyngkong kaba la long ha ka Lah Sngi U Blei ha SAI Training Centre, Shillong.
Ha kiwei pat ki jingïakhun kiba la la long kham hashwa, ka Khad-sawphra College, Mairang ka la pynliem noh ïa ka NEHU, Shillong da 3-1 kol bad ka Shillong College ka la jop da 6-0 kol ïa ka Ri Bhoi Synod College, Umsning.
Te kumta ka Khadsawphra College ba ka Shillong College ki la jam sha ka quarter final ha kaba kin ïakhun pyrshah ha ka por 12 baje mynsngi. Kiwei pat ki jingïakhun quarter final kin long hapdeng ka Seng Khasi College, Shillong pyrshah ïa ka Kiang Nangbah Govt. College, Jowai ha ka por 8 baje mynstep bad ka Shillong Commerce Col-lege, Shillong ïa ka St. Edmund’s College, Shillong ha ka por 10 baje mynstep.
