Shillong, Nailar 29
Ka East Bengal ka la jam sha ka final ha ka Durand Cup 2023 hadien ba ka lah ban pynliem noh ïa ka NorthEast United lyngba ka tie-breaker da 5-3 kol ha ka sngi Ba-ar ha Vivekananda Yuba Bharati Krirangan kaba ha Kolkata.
Ha kane ka jingïakhun semi final kaba nyngkong, baroh ar kynhun ki la ïathep mar 2-2 kol bad haduh kaba kut ka jingïalehkai kim shym la lah ban thep kol biang.
Kawei pat ka jingïakhun semi final kaba ar kan long hapdeng ka FC Goa pyrshah ïa ka Mohun Bagan ha ka sngi Palei. Ïa ka jingïakhun final yn pynlong ha ka sngi U Blei.
