Shillong, Nailar 29
Ar ngut ki khynnah ïalehkai phutbol kiba dang hapoh 16 snem ka rta ki la shah jied hapoh ka thup ki 23 ngut ban mihkhmat ïa ka ri India ha ka SAFF U-16 Championship ka ban long ha Thimphu, Bhutan naduh 1 haduh 10 tarik u Nailur mynta u snem.
Kine ki kynthup ïa u Manbhakupar Malngiang bad u Aiborlang Kharthangmaw, hadien ba u coach ka kynhun ïalehkai ka ri u Ishfaq Ahmed u la pynbna ïa ki kyrteng ki rangïalehkai na ka bynta katei ka lympung ka ban long ha Bhutan.
Te kumta ha kane ka lympung, ka India ka la don ha ka Group-A kaba kynthup lang ïa ka Nepal bad ka Bangladesh. Katba ka Bhutan, Maldives, bad ka Pakistan ki la don ha ka Group-B. Ar tylli ki kynun ki ban bat ïa ki kyrdan ba hakhlieh kin ïoh rung sha ka semi-final.
Lah ban kdew ba ïa ka prokram kilanmet la pynlong ha Srinagar naduh u Naitung ha kaba ki la don haduh 50 ngut ki khynnah kiba la shah khot hadien ba la dep ban jied na ki san tylli ki zone kiba kynthup na East, West, North, South bad North-east. Ïa ka thup kaba khatduh jong ki 23 ngut la jied da u Ahmed hadien shibnai ka jingai jinghikai ha Srinagar.
Ki kyrteng ki 23 ngut ki khynnah ïalehkai na ka bynta ka SAFF U16 Championship 2023:
Goalkeeper: Rohit, Aheibam Suraj Singh & Arush Hari.
Defender: Ngariyambam Abhi-jit, Mohammed Kaif, Yaipha-remba Chingakham, Usham Thoun -gamba, Vumlenlal Hangshing, Chingtham Renin Singh & Karish Soram.
Midfielder: Newton Singh, Kangujam Yoihenba Meitei, Levis Zangminlun, Bobby Singh, Abdul Salha, Ngamgouhou Mate, Vishal Yadav, Manbhakupar Malngiang & Md Arbash.
Forward: Ningthoukhongjam Rishi Singh, Ahongshangbam Samson, Lairenjam Bharat & Aiborlang Kharthangmaw.
