Shillong, Nailar 30
Ka kynhun ïalehkai kickboxing ka Jylla kaba don hapoh ka synjuk jong ka Meghalaya State Kickboxing Association (MSKA) ka la khur haduh 10 tylli ki takma ha ka WAKO India National Kickboxing Champion-ship kaba la long ha Ranchi, Jharkhand bad u Ryan Mukhim u la long u rangïalehkai ba dang-khynnah tam ha ka rta 6 snem.
Ha kane ka lympung kaba la sdang naduh 23 haduh 27 tarik mynta u bnai, ka Jylla ka la khur 5 ki takma ksiar, 2 ki takma rupa bad 3 ki takma rnong.
Kiba la khur ïa ka takma ksiar ki long ka Isapynbiang Lyngdoh ha ka Point Fighting – Below 18 Kg (Ch 2016 – 2018), Kyrshanlang Dkhar ha ka K1 (Rules – Ring) – Below 51 Kg (OJ 2004 – 2005), ka Reyana Syiemsad ha ka Low Kick (Ring) – Below 48 Kg (OJ 2004 – 2005), Banpynkhraw Warshong ha ka K1 (Rules – Ring) – Below 45 Kg (YJ 2006 – 2007) bad u Thangoulian Manlun ha ka K1 (Rules – Ring) – Below 70 Kgs (YJ 2006 – 2007)
Kiba la khur ïa ka takma rupa ki long u Gavin Albert Kharshandi ha ka Low Kick (Ring) – Below 48 Kg (YJ 2006 – 2007) bad u Winningstar Lyngdoh Nonglait ha ka K1 (Rules Ring) – Below 51 Kg (OJ 2004 – 2005).
Ïa ki takma rnong la khur da ka Caress Syad ha ka Low Kick (Ring) – Below 63.5 Kg (YJ 2006 – 2007), Mebankitbok Mynsong ha ka K1 (Rules Ring) Below 51 Kg (OJ 2004 – 2005) bad ka Wansuklang Khyllep ha ka Kick Light (Tatami) – Below 89 kg (YJ 2006 – 2007).
Ïa kane ka kynhun la ïalam da u coach kata u Jezerel Sangma Jezreal Oyami bad Indahun Ïawphniaw, ryngkat u Manager u Wallambok Mawlong bad Particia Synjri, katba u Shaibor-lang Lyngdoh Maw-phlang kum u WAKO India Referee bad Bah Lorenzo Pearson Warjri kum u Official.
Ïa kane ka kynhun la pdiang burom ha ka sngi Balang tang mar ïa wanphai sha la ïing ha kaba la ïadon lang u Bah Allantry Franklin Dkhar ryngkat u Joint Secretary ka Meghalaya Basketball Association u Bah Donbok Ïawphniaw, kumjuh u Bah Lorenzo Pearson Warjri, Working President ka MSKA ryng-kat bad ki kmïe kpa, ki nonghikai skul.
