Jowai, Nailar 30
Ka Lumpariat bad ka Chutwakhu ki la khur jingjop ha ka lympung ïalehkai 2nd Division Football Tournament na ka bynta ka 6th Debo Shullai Memorial Trophy ba la pynïaid da ka West Jaiñtia Hills District (WJDSA).
Kane ka la wan hadien ba ka Lumpariat ka la pynliem noh ïa ka Dongmihsngi da 2-0 kol, katba ka Chutwakhu ka la pynliem ïa ka West Madan Mustem da 1-0 kol ha ka jingïakhun kaba la long ha Kiang Nangbah Stadium Ladthadlaboh, Jowai ha ka sngi Balang.
Ïa ki kol jong ka Lumpariat la thep da u P Marboh ha ka minit kaba 25 bad u Rihok Chyrmang haka 80+2.
Katba ia ka kol jong ka Chutwakhu la thep da u rangïalehkai ka West Madan Mustem u Rilangki Lyngdoh ha ka minit kaba 67.
