Khliehriat, Nailar 30
Ka lympung ïalehkai Under-16 Boys Football Tournament ba la pynïaid da ka East Jaiñtia Hills District Football Association (EJHDFA) ka la nangjam shaphrang ha madan Artificial Turf, Khliehriat ha ka sngi Balang.
Ha ka jingïalehkai kaba nyngkong, ka jingiakhun ka la kut khlem da lah pynkhih jar hapdeng ka Umtyra SC bad ka Lad-Dongwah.
Kumjuh ha ka jingïakhun kaba bud, ka Ehrang SC ka la pynliem noh da 3-0 ïa ka Tangnub SC. Ïa kine la thep u Mynjuri Byrloi ha ka minit kaba 18, u Savayus Masa (42 & 48).
Ha kawei pat ka jingïakhun, ka Khliehriat HSS bad ka Nongthymme ki la pynïakhaid da mar 1-1.
Ha ka jingïakhun kaba khatduh jong kane ka sngi, ka R. Shkenshynriah SC ka ka pynliem noh ïa ka R. Madanpynriang SC lyngba ka shi kol ba la thep da u Ïaishah Bareh lyngba ka penalty ha ka minit kaba 17.
