Mawkyrwat, Nailar 30
Kum shibynta ban rakhe ïa ka National Sports Day, ka shlem treikam u District Sports Officer, South West Khasi Hills ha ka 29 tarik mynta u bnai ka la pynhap pyrda noh ïa ka lympung ïalehkai kaba ar sngi kaba tip kum ka 2nd Inter School Mawpoint & Tug of War Competition 2023 kaba la pynlong ha madan MDSA Stadium Mawkyrwat.
Ha kane ka sngi u Bah T. Lyngwa, Deputy Com-missioner jong ka SWKHD u la long u kongsan ha ryngkat ka jingdonlang u Bah D. Syngkon, DSO ka South West Khasi Hills District, ki khynnah skul ki nonghikai bad ki ophisar.
Ha kane ka lympung ki don haduh 18 tylli skul kiba wan ban ïashim ha ka jingïalehkai Mawpoiñ, katba ha ka jingïalehkai Tan Tyllai pat ki don haduh 10 tylli ki skul kynthup ïa ki kynthei bad shynrang.
Haba phai sha ka jingïalehkai ha kane ka sngi kaba long shisha kaba iphuh iphieng bad kaba pynshongshit ïa ki nongpeitkai.
Haba phai sha ka jingïalehkai Mawpoint jong ki khynnah shynrang, ka Modern Academy Higher Secondary School ka la wan ha ka kyrdan kaba nyngkong bad kaba wan ba-ar kadei ka Phlorosy Dew secondary School.
Katba ha ka jingïaleh-kai Mawpoiñ jong ki khynnah kynthei, ka Little star Hr. Secondary Sc?ool ka la wan ha ka kyrdan nyngkong bad kaba wan ba-ar ka dei ka Nonglang Secondary School.
Haba phai pat sha ka jingïalehkai Ïatan Tyllai jong ki khynnah shynrang bad kynthei, ka Nativity Hr Secondary School ka la long ka lahduh ha kane ka lympung bad kaba wan ba-ar jong ki khynnah shynrang kadei Rangthong Christian Higher Secondary School bad kaba wan ba-ar jong ki khynnah kynthei ka dei ka Little Star Hr Secondary School.
Ha kane ka sngi la ïoh ruh ban pynphuh pynphieng shuh shuh ïa kane ka prokram da ki jingshad na ki khynnah skul JNV Mawkyrwat.
