8 khyrwit jem ka Diengpasoh ïa ka Laitkroh ha ka U-20 4th Division

Haduh kaba kut ka jingïalehkai ka Laitkroh kam shym la lah ban pynphai wat tang shi kol ruh bad ka la mad ïa ka jingshah rem ha kane ka lympung.

Shillong, Nailar 31

Ka Diengpasoh SC ka la pynjemkhnap haduh 8-0 kol ïa ka Laitkroh SC na ka bynta ban khur ïa ka jingjop ha ka lympung ïalehkai U-20 4th Division Football League 2023 ba la pyniaid ïda ka Shillong Sports Association.

Ha kane ka jingïakhun kaba la long ha ka sngi Palei ha madan Third Ground Polo, ka Diengpasoh ka la lah ban ïalehkai bha naduh kaba sdang ha kaba u Bapynkmenlang Kharsati u la ïoh ban thep marwei haduh san kol kata ha ka minit kaba 1, 10, 18, 43 & 60. Ïa ki ar kol la thep da u Suklang Baino (52 & 63) bad ia kawei pat la pynbud da u Wanteiskhem Kurbah (27).

Haduh kaba kut ka jingïalehkai ka Laitkroh kam shym la lah ban pynphai wat tang shi kol ruh bad ka la mad ïa ka jingshah rem ha kane ka lympung.

Ka jingïalehkai ha ka sngi Thohdieng kan long hapdeng ka Mawlynrei SC pyrshah ïa ka Dilingiem YSCWA ha ka por 5 baje janmiet.