Jowai, Nailar 31
Ka Mooknor Thadmuthlong bad ka Lion ki la khur ïa ka jingjop ha ka lympung ïalehkai 2nd Division Football League na ka bynta ka 6th Debo Shullai Memorial Trophy ba la pynïaid da ka West Jaiñtia District Sports Association.
Ha ka jingïakhun kaba la long ha ka sngi Palei ha Kiang Nangbah Stadium Ladthadlaboh Jowai, ka Mooknor Thadmuthlong ka la pynliem noh ïa ka NSA da 2-1 kol.
Ïa ki kol jong ka Mooknor Thadmuthlong la thep da u Ïohi Dhar ha ka minit kaba 38 bad u Phrangko Sari (78), katba ka NSA ka la pynphai kylla shi kol lyngba u Sevensonly Thubru (51).
Haba phai sha kawei pat ka jingïakhun, ka Lion SC ka la jop da 3-1 kol ïa ka Chilliangraij. Ïa ki kol jong ka Lion SC la thep da u Banteibor Syngkrem ha ka minit kaba 27, u Sanborlang Kharsahnoh (76) bad u Arkini Laloo (89+3). Katba ka kol jong ka Chilliangraij la thep da Thrang Ïakai (55).
