Jowai, Nailar 31
Ka West Jaiñtia District Sports Association (WJDSA) ka la wer ïa ki kynhun na ka bynta ka lympung ïalehkai 1st Division Football League Tournament (11th Chatister Kharkongor Memorial Trophy).
U General Secretary ka West Jaiñtia District Sports Association (WJDSA), Bah Lammat-oo Laloo u la pyntip ba ka bai rung (entry fee) ka long 3250/- ryngkat ka bai rangïalehkai. Ka tarik khatduh ban pynpoi ïa ka bai rung kan long ha ka 11.09.2023.
La kyntu ruh ïa ki kynhun ne klob kum ka Nangbah Iawmusiang, Mosalyngkat, Sohmynting, Sabahmu-swang, Mukhla Evergreen, Wahiajer, Luti Tuber Social Welfare, Demthring, Mookyndur, Khliehiongriang, Shangpung Moosyiem bad Dulong ba kin shim khia halor kane ka bynta.
U la pyntip ruh ba ka ‘2nd Window Inter Club Transfer’ na ka bynta ka 1st Division, yn plie naduh ka 12 tarik haduh 18 tarik u Nailur 2023 tang na ka bynta kiba thymmai.
