Jowai, Nailur 01
Ka lympung ïalehkai 2nd Division Football League na ka bynta ka 6th Debo Shullai Memorial Trophy ba la pynïaid da ka West Jaiñtia District Sports Association (WJDSA) ka la nangjm shaphrang ha kaba ka Panaliar bad ka Shangpung Khliehmuchut ki la khur ïa ka jingjop ha Kiang Nangbah Stadium Ladthadlaboh kaba ha Jowai.
Ha ka jingiakhun kaba la long ha ka sngi Thohdieng, ka Panaliar ka la pynliem noh ïa ka Pynthorlangtein da 3-1. Ïa ki kol jong ka Panaliar la thep da u Obram Sumer ha ka minit kaba 18, u Sam o wan Sumer (26) bad u Jekisai Shullai (57). Katba ïa ka shi kol jong ka Pynthorlangtein la thep da u Sainmitre Lipon ha ka minit kaba 40+1.
Haba phai sha kawei pat ka jingïakhun kaba bud, ka Shangpung Khliehmuchut ka la jop da 2-1 kol ïa ka Ïawmulong Nartiang. Ïa ki kol jong ka Shangpung Khliehmuchut la thep ar kol da u Dabiang Law ha ka minit kaba 71 & 74. Katba ia ka shi kol jong ka Ïawmulong Nartiang la thep da u Meker Pyrtuh (80).
