New Delhi, Nailur:
Katkum ki khubor la ong ba katba ka Pakistan ka dang mad ia ka jingkyrduh bad ka jinghiar kaba jur haba iadei bad ka ioh- ka kot hapoh ka ri, ka dor jong ka umphniang kali ha kane ka por ka la kot ia ka 300 tyngka shi litre. Kane ka long ka sien ba nyngkong eh ba ka Pakistan kan ioh mad ia ka jingkiew dor kput ka umphniang kali hapoh ka ri. Kumta, la ong ba katba ka Pakistan ka dang ialeh ban khyllie biang ia ka ioh- ka kot jongka ha kane ka por, ka tnat pla tyngka jong ka Pakistan ha ka janmiet Sngi Palei ka la pynbna ba la pynkiew biang ia ka dor jong ka umphniang Petrol da 14.91 tyngka bad ia ka dor jong ka Diesel pat da 18.44 tyngka shi litre.
