Shillong, Nailur 01
Ka Mawlynrei SC ka la khur jingjop ha ka lympung ïalehkai SSA U-20 4th Division Football League 2023, hadien ba pynliem ïa ka Dilingiem YSCWA da 1-0 kol ha ka sngi Thohdieng ha madan Third Ground, Polo.
Ka jingïakhun ha kane ka sngi ka la long kaba ïakhaid bha ha kaba baroh ar ki kynhun ki la ïakhun tyngeh naduh kaba sdang, hynrei hashwa ban kut ka jingïalehkai ba ka Mawlynrei ka la ïoh ban pynkhih jar nyngkong eh lyngba u Justin Marboh ha ka minit kaba 44.
Wat la ka Dilingiem ka la pyrshang ban pynphai ha ka kylla miet, hynrei haduh kaba kut ka jingialehkai ïkam shym la lah ban pynurlong bad ka la mad ïa ka jingshah rem.
Kane ka lympung kan bteng biang ha ka sngi Saitjaiñ ha kaba ka Madan S&CC kan ïakhun pyrshah ïa ka Lumpyngngad SC ha ka por 4 baje, katba ka Laitumkhrah SC ïa ka Nongkolew SC ha ka por 5:30 janmiet.
