Shillong, Nailur 01
Kan dei ka sien kaba ar ba ki ar tylli ki kynhun ba khlaiñ bor na Kolkata kin pynkhreh ban ïaknieh ïa ka nam lahduh ha ka Durand Cup ka ban long ha ka sngi U Blei.
Ha ka jingïakhun semi final kaba la long ha Salt Lake Stadium, ka Mohun Bagan SG u la lah ban pynliem ïa ka FC Goa da 2-1 kol.
Da kane ka jingjop ka Mohun Bagan kan pynkhreh ban ïakhun final pyrshah ïa ka East Bengal kaba la jop ïa ka NorthEastUnited FC.
Haba phai sha katei jingïakhun semi final kaba ar, baroh ar ki kynhun ki la pyrshang ban ïakhun tyngeh naduh kaba sdang. Ka FC Goa ka la pynkhih jar nyngkong eh lyngba u Noah Sadaoui ha ka minit kaba 23, hynrei shwa ban kut ka jingïalehkai jong ka kylla step ka Mohun Bagan ka la lah ban pynïakhaid kylla lyngba u Jason Steven Cummings ha ka minit kaba 42.
Hadien katto katne por ba la bteng biang ia ka jingïakhun jong ka kylla miet, ka Mohun Bagan ka la thep biang ïa ka kol kaba ar lyngba u Armando Durim Sadiku ha ka minit kaba 61. Haduh kaba kut ka FC Goa kam shym la lah shuh ban pynphai bad ka la mad ïa ka jingshah rem.
