Shillong, Nailur 03
Ka kynhun ki ‘thei ïaleh-kai phutbol ka jylla, ka la khur jingjop ha ka jingïalehkai kaba nyng-kong eh jong ka lympung Hero Sub Junior Girls National Football Cham-pionship 2023-2024 (Tier 1) kaba la long ha Amritsar, Punjab.
Haba phai sha ka jingïalehkai kaba nyngkong jong ka Group-C, kaba la long ha ka sngi U Blei, ki la lah ban pynliem noh ïa ki ‘thei ïalehkai ka Gujarat da 2-0 kol. Kane ka jingïalehkai ka la long shisha kaba itynnad bad kaba ïakhaid bha namar ki ‘thei na baroh arliang mamla ki la ïakhun tyngeh ban ïoh ïa ka jingjop.
Kane ka jingjop, ha ka jingïakhun kaba nyng-kong, kan long shisha ka jingai jingkyrmen bad ai mynsiem ïa ki ‘thei ïalehkai ka jylla ba kin nanglah ban leh bha ha ki jingïalehkai ban wan.
Hadien kane ka jing-jop, mynta pat ki ‘thei ka Meghalaya, kin pynkhreh ban ïakhun pyrshah sa ïa ki ‘thei jong ka Assam ka ban long ha ka 5 tarik bad hadien kane, kin sa ïakhun pyrshah sa ïa ka Chandi-garh ka ban long ha ka 7 tarik mynta u bnai.
Kumta lada ka Meg-halaya kan jop lut baroh ki jingïalehkai, ne kan ïoh ban bat ïa ka kyrdan kaba nyngkong ha ka Group-C, kan sa ïoh rung pat sha ka semi-final jong kane ka lympung ka ban long ha ka 11 tarik mynta u bnai.
