Jowai, Nailur 04
Ka Maitchaphrang Mootyrchiah bad ka Khlieh-mynkrem ki la rung sha ka Quarter Final jong ka lympung ïalehkai 2nd Division Football League na ka bynta ka 6th Debo Shullai Memorial Trophy ba la pynïaid da ka West Jaiñtia District Sports Association (WJDSA).
Kane ka la wan urlong hadien ba ki la khur jingjop ha ka jingïakhun jong ka wat kaba nyngkong kaba la long ha madan Kiang Nangbah Stadium Ladthadlaboh Jowai ha ka Lah Sngi U Blei.
Lyngba kane ka jingjop, ka Maitchaphrang Mootyrchiah ka la wan ha ka kyrdan kaba hakhlieh duh ne ‘Top team’, katba ka Khliehmynkrem ka la wan ha ka kyrdan kaba ar ‘2nd Top team’.
Haba phai sha ka jingïakhun, ka Maitshaphrang Mowtyrshiah ka la pynliem noh ïa ka Nangbah Dukhu da 5-0 kol. Ïa kine ki kol jong ka Maitshaphrang Mowtyrshiah la thep da u Batskhem Dkhar ha ka minit kaba 28, u Pynsakhiat Dkhar (38), u Risanlang Dkhar u la thep ar kol (47 & 75) bad u Dapnaki Lamarei (66).
Ha ka jingïalehkai kaba bud hapdeng ka Khliehmynkrem FC bad ka Caroline Colony ki la ïasam mar shi point hadien ba ki la ïakhaid mar 1-1 kol.
Ïa ka kol jong ka Khliehmynkrem FC la thep da u Mebanker Challam ha ka minit kaba 72, katba ka kol jong ka Caroline Colony la thep da u Long Pohlong (77).
Ka jingïalehkai ha ka sngi Ba-ar kan long hapdeng ka Lumpariat pyrshah ïa ka Chutwakhu ha ka por 12 baje nohphai sngi, katba West Madan Mustem ïa ka Dongmihsngi ha ka por 2 baje janmiet.
