C.B Iawphniaw
Ki nonghikai ki long ki briew kiba stad bad ba shemphang. Kumno ki ïeng pyrshah pyntrei kam ïa ka National Education Policy (NEP). Ha ka jingshisha ki dei ban hun ban pyntrei kam ïa ka NEP ha ki College na ka bynta ka bit ka biang ki samla pule hapoh ka Jylla. Ka kam pule-dangle kam dei ka kam ïa kawang ktieh bad ym dei ban ïaleh politic ia kane. To ïa kiwei kiwei ki kam ka dei ban ïaleh pyrshah, hynrei ïa kane ka kam bah kam san ban kiew shaphrang ka jingnang jingstad bad ka jaitbynriew ym dei ban ïalehkhun jakai kum ki briew ba la shai. Ka jingdawa jong ka MCTA ki long ki kam politic suda ki bym don nongrim ban pynthut ïa ka pule-dangle ki samla ba wad ïa ka jingnang jingtip. Ka sorkar kam dei ban sngap bad ai lad ïa kino kino kiba ïeng pyrshah ïa ka jingpyntrei kam ïa ka NEP ha ka Jylla. Ka sorkar ka don ka bor bad ka lah ban pynbeit ïa kane ka jingbym ïa sngewthuh hapdeng ka Meghalaya College Teachers Association (MCTA) bad ki bor pyn-ïaid ka NEHU. Kane ka long ka jingiohi jongngi ki riew paidbah.
