Shillong, Nailur 05
Ka Pynthorbah SC bad ka Lamlynti FC (Madan -lyngkhi) ki la khur jingjop ha ka lympung ïalehkai SSA U-20 4th Division Football League 2023 ha ka sngi Ba-ar ha madan 3rd Ground, Polo.
Ha ka jingïakhun kaba nyngkong, ka Pynthorbah SC ka la pynliem noh ïa ka Umsohsun SC lyngba ka shi kol ba la thep da u Juviel Kharkongor ha ka minit kaba 50.
Haba phai sha kawei pat ka jingïakhun ba-ar, ka Lamlynti FC (Madanlyng -khi) ka la jop da 3-0 kol ïa ka Mawklot SC. Ia kine la thep da u Ricky Mawlong ha ka minit kaba 5, kumjuh u Batskhem Thongnirit (20) bad u Pyrkhatjanai Kharkongor (70).
Ka jingïalehkai ha ka sngi Balang kan long hapdeng ka Risa Colony SC pyrshah ïa ka Laitkroh SC ha ka por 3:30, katba ka Diengpasoh SC ïa ka Pommura SC ha ka por 5:30 janmiet.
Haba phai sha ka jingïalehkai kaba la long ha ka lah sngi U Blei, ka Mawkasiang SC ka la khur ïa ki lai point bad 3-0 kol, hadien ba ka Mawreng SC kam shym la wan mih sha madan ban ïalehkai.
