Itanagar, Nailur:
Uwei u briew u la shahkem ha Tirap distrik kaba don ha Arunachal Pradesh hadien ba la ïoh ban kurup ïa u Heroin uba la kot sha ka T. 5 lak haba la khmih bniah, la ïathuh ki pulit.
Kum ka jingpyntreikam hadien ba la ïoh jingtip halor ka jingdon jong une u briew, ka kynhun jong ki pulit ka la pynlong ïa ka jingleit khynra ha ka ïingsah jong une u briew kaba don ha Helipad Colony ha Khonsa, ha ka miet jong ka sngi Thohdieng bad ïoh ruh ban kurup ïa kumba T. 10.71 grams ka song jong u jingdih pynbuaid, la ïathuh u Superintendent of Police jong ka Tirap u Rahul Gupta.
