Hong Kong, Nailur:
Ha kane ka khubor, la ong ba ka Hong Kong ka la ioh mad ia ka Lyiur kaba shim tam eh ha une u snem lada ia nujor bad kiwei pat ki snem ba la leit, ha kaba ka jingkhluit ha katei ka nongbah ka la jur bha ha kine ki sngi.
Kumjuh ruh ka jingkylla ka suiñ bneng ka la wanrah ia ka jingshit kaba jur ia ka pyrthei baroh kawei ha une u snem, ha kaba ka India, Japan bad ka Australia ruh dang ha kane ka taiew ba la lah ki la pynbna ia ka jingkiew ka jingkhluit ha une u snem.
Kumta, la ong ba ki heh ka Hong Kong ha katei ka Sngi Nyngkong ki la pyntip ba Hong Kong ka la ioh mad ia ka jingkhluit ba jur tam jong ka suiñbneng ha une u Jylliew bad Naitung ba la leit bad ka jingkhluit jong ka suiñ bneng ha kine ki bnai Lyiur ha une u snem, ka la long palat ban ia kaba ju long ha kiwei pat ki snem ba la leit.
Katei ka nongbah ka la ioh ia ka jingkhluit kaba haduh 29.7 Degrees Celsius lane kumba 85 Fahrenheit ha une u bnai ba la lah bad la ong ruh ba une u Nailar jong une u snem, u long u bnai ba khluit tam ba ka Hong Kong kam pat ju ioh mad ha ki snem ba la leit.
