U Barding Sari
Ka Block I bad II ki dei ki jaka barim bajah jong ka ri Jaiñtia naduh hyndai hynthai bad la synshar da ki Daloi Pnar jong ka Elaka na kawei ka pateng sha kawei pat ka pateng ki jaka ki khyrwiang, Nongtung, Namsha bad Laloo.
Ka Block II (Two) ka dei ka jaka jong ka Ri Jaiñtia naduh barim bajah ba ki briew kiba shong hangne ki dei ki Pnar suda kiba la wan seng hangne na Nartiang, Nongjngi, Nongbah, Shangpung bad na Jowai etc. Ki Kur kiba wan shong hangne ki dei ki Pnar kiba dei ki kur Shadap, Shylla, Sariang, Pale bad Sten bad kiwei kiwei de. U Lang Dkhar (L) u dei u Doloi ba khadduh jong ka Elaka Nartiang hapoh ka Block II (two) uba dei ruh u kpa u Donsing Laloo, MDC Jowai (Nartiang), bad u la leit lum khajna kylleng sawdong ka Block 2 naduh Myntliah, Ummat, Umlaper, laru, Umpanai, Biarsanki, Mynser, bad Maitkramsa, Myriong bad Umwang shaduh Jeki Road bad Iawthymme bad ki ri-thor jong ka Ri Jaiñtia North. ïa ka Khlaw Niam bad khyndew niam bad ïa ka Elaka Part – Nartiang la pynduh da ka sorkar Assam.
Ha ka por ba ka Assam ka la pynmih bad pynlong Official Language ïa ka ktien Assamese ha ka 1962 AD. U Mr. D. Rymbai u la ïathuh la juriap ïa kane ka jing-leh ka Sorkar Assam ïa ka ktien Assamese hapoh Block I bad Block II bad kiwei kiwei de, u Mr. D. Rymbai u la ïathuh ba ka Assam ka la pyndonkam da ka ktien Assamese ban hikai ha ka L. P. School hapoh Block I & II. U la ïathuh ba ha Myntliah, Ummat, Umlaper, Laru bad Umbnai bad Maitkrama bad kiwei kiwei de ki shnong. U Ram Laloo, Umpanai u la ong ha ka por ka sorkar phareng ki la hikai da ka ktien Khasi bad mynta ka sorkar Assam kam shah shuh ban hikai bad da ka ktien Assmese kim nang shuh pule Khasi. Kumjuh ruh ka Block I ka dei ka Elaka Labang, Nongphyllut kaba la long u Doloi Hon Paper, Nongjrong uba khadduh bad u la ong ba ka sorkar Assam ka la pynduh ïa ki khlaw Niam bad ki khyndew niam bad Elaka bad kumjuh ruh la hikai ban thoh ban tar da ka ktien Assamese ha ki Schoool Primary bad kumjuh ruh ha ka Block II.
Ha ka 13th ïaiong 1951 ka Sorkar Assam ka la phiah jubor ïa ki jaka jong ka Ri Jaiñtia ba ka khot Block I & II bad ka la pynïasoh ïa kine ki jaka sha Mikir Hills District kiba dei trai na Dhansari River bad haba la hiar thma ki Kashari ïa ki bad ki la phet rieh sha Jaiñtia Hills ba kin shong tang shi por bad kim lah ban kam hok khyndew ki shyiap ki jaka ba kin shong hapoh Jaiñtia Hills, ki Block I & II. Ka Ri Jaiñtia ka la dawa ban phai noh ïa ka Block I & II man la ka por shapoh Meghalaya State. Kumta ha kane ka jingpynbeit pud mynta ka Sorkar Meghalaya ka dei ban pynphai lut ïa kane ka pud Block I & II shapoh Meghalaya ba ki Karbi Anlong kim don hok ban ïa kren ïa kane ka jingpynbeit pud hapdeng Sorkar Meghalaya bad Assam bad dei tang, ki Khasi Jaiñtia kiba lah ban tuklar ïa kane ka jingpynbeit pud hapoh u pud ka Khasi Jaiñtia kaba dei naduh por ba rim ba jah katkum ka Map 1200 bad 1375 AD jong ka Ri Jaiñtia baroh kawei.
