Karachi, Nailur:
Kawei ka ‘Helicopter’ jong ka tnat shipai Pakistan ka la leit hap bakla hapdeng ka jingai jinghikai hapoh ka thaiñ Balochistan ha ka Sngi Nyngkong. Ha kane ka jingjia lai ngut ki la khlad kaba kynthup ia 2 ngut ki heh nongialam jong katei ka tnat.
Katei ka helicopter ka leit hap hapoh ka dong Gwadar ha kaba 2 ngut ki heh jong ka tnat shipai duriaw ka Pakistan ki la duh noh ia ka jingim ha katei ka sngi. Katba uwei pat uba khlad ryngkat bad kitei ar ngut, u dei u nongñiah jhad jong ka tnat shipai.
Ki bor ba dei khmih ki dang wad jingtip halor ka jinghap jong katei ka liengsuiñ bad ka daw jong ka thud katei la liengsuiñ hapdeng jong ka jing pynkilan.
U Myntri Rangbahduh ba shipor ka Pakistan, u Anwaarul Haq Kakar u la phah ia ka kyrwoh sngewlem sha ka iing ka sem jong kitei ki heh shipai ba la khlad noh namar katei ka jingjia ba sniew bok ha katei ka sngi.
