Itanagar, Nailur:
U Myntri Rangbah jong ka Arunachal Pradesh u Pema Khandu, ha ka sngi ba la rakhe ïa ka sngi burom jong ki nonghikai kaba 62, u la pynbna ïa kiba bun ki rai ban pyntreikam, kynthup ha kaba ïadei bad ka jingwanrah ïa 500 tylli ki Post, na ka bynta ka jingmyntoi jong ki nonghikai.
U Myntri Rangbah u la pynbna na ka bynta ban wanrah ïa 500 tylli ki Post na ka bynta ban thungkam ïa ki nonghikai ha ka kam kontrak bad ban nang pynkiew ïa ka tulop sha ka 22 per cent ha kaba yn sa ai shuh sa 3 per cent ka Dearness Allowance (DA) na ka bynta baroh ki nonghikai bad ki nongtrei ki bym dei ki nonghikai ha ki skul bapher bapher ha kaba kan sa ai jingmyntoi ïa kumba 4,400 ngut ki nongtrei, nalor ka jingnang thep kam shuh shuh na ka bynta ki nonghikai kontrak ba la thung hadien ka 18 tarik, Jymmang, 2020.
