C. B. Iawphniaw
Ka kur ka jait jongno jongno ka long tang kum ka Uniform. Ngi phong bad ngi shim jait kheiñ jait na ka. Hynrei ka snam ka doh bad u symbai ki ïapher watla ki ïadei na kajuh ka jait ruh. Shim kum ka jait Diengshning (Kynthei) ka ïa shongkha bad uba na ka jait Dienglieng.
Te ki khun ba ioh na ka Kmie Diengsning bad u kpa Dienglieng ki ïa ai jait beit ha ka kmie kaba long kum ka sopti Uniform. Shu buh ki don saw ngut shipara lai ngut ki kynthei bad tang uwei u shynrang. Kine ki khun kynthei ki ïa ioh lok (tnga)kaba nyngkong ka ioh ïa uba na ka jait Da, kaba ar na ka jait Diengdoh bad kaba lai na ka jait Thapa (Nepali). Katba ïa ki khun baroh ki ïa ai jait beit ha ka jait ka kmie ka jait Diengsning.
Kine ki ïapher u symbai namar ki ia ioh na ki kpa ba ïapher ka jait. Ka khun kaba nyngkong ka dei na ka jait Das ha ka jingshisha, ka khun kaba ar ka dei na ka jait Diengdoh ka khun kaba lai na ka jait Thapa (Nepali).
Haba ka rukom kheiñ jait ha ngi ki Khasi ngi ïa ai jait beit ha ka kmie, te kam dei ba ki shu ïa phong Uniform kum ka rukom phong Uniform shu phong ha ki skul bad kumba phong ki shipai bad pulit.
Kane ka rukom shim jait ha ngi ki Khasi ka long kaba bakla dei ban shim ïa ka jait jong u kpa ban lait na ka sang ka ma.
