Shillong, Nailur 07
Ka jinglah ban ïalehkai ha ka liang kawang bol bad tied da ka Marme M. Sangma ka la pynlong ïa ka South Garo Hills District Cricket Associa-tion ban pynliem noh ïa ka Tura DCA da 57 run ha ka sngi kaba ar jong ka U-19 Girls Inter District Cricket Tournament ba la pynlong da ka Meghalaya Cricket Association ha ka sngi Palei ha Salpara kaba ha North Garo Hills.
Ha kawei pat ka jingïakhun kaba la long ha Umbuda in Ri-Bhoi, ka Shillong Cricket Associa-tion ka la pynliem noh ïa ka West Khasi Hills DCA da 15 run.
Baroh ar ki jingïakhun ki la shah pynthud ha u slap ha ka inning kaba nyngkong ha ka Zone 2, ka SGH ka la shimti ban tied nyngkong bad kamai 143/7 ha ki 35 over. Ka Marme ka la long ka nongtied bun da kaba kamai 33 run (not out), ha kaba ka noh synñiang lang da ka Janicka R. Marak (27) bad ka Jaylynn R. Marak (22). Ka Awesa G Momin ka la khur 3 wiket.
Hadien ka jingshah pynthud ha u slap, ka Tura ka la kamai 118 run na ki 25 over. Ka Marme ka la khur 3 wiket, ha kaba la noh synñiang lang da ka Rikmanchi M. Sangma (2/4) bad ka Brespina N. Marak (2/8).
Haba phai sha ka Zone 1, ka SCA ka la kamai 143 run ha ki 34.3 over. Ka Natasha Rabha ka la tied 22, katba ka Neelam Roy bad ka Anjana Sahani ki la tied mar 20 run. Na ka bynta ka WKH, ka Fenny Nongrum ka la khur 4 wiket, katba ïa ki ar wiket la khur da ka Sistilin Ryntathiang (2/18) bad ka Abiezer Kharsyiem (2/33).
Hadien ka jingshah pynthud ha u slap, ka WKH ka la kamai tang 61 run. ka la Emisakani Warjri (not out) ka la tied 12 run. Kiba la lah ban pynhap wiket na ka bynta ka SCA ki long ka Roy (1/8), Rabha (1/11) bad ka Chandni K Sahani (1/17).
Ka jingïalehkai ha ka sngi Thohdieng kan long hapdeng ka East Khasi Hills CA pyrshah ïa ka South West Khasi Hills DCA ha ka Zone 1, katba ka Tura ïa ka North Garo Hills DCA ha ka Zone 2.
