Khliehriat, Nailur 07
Ka Ïatyllilang Hingaria ka la jam sha ka semi final ha ka lympung ïalehkai 2nd Division Football Tournament ba la pynïaid da ka East Jaiñtia Hills District Football Association (EJHDFA).
Kane ka wan hadien ba ka la pynliem noh ïa ka Lakadong Umlatdoh SC ha ka jingïakhun quarter final kaba la long ha madan Artificial Turf kaba don ha ka Diengshynrum, Khliehriat ha ka sngi Palei.
Ha kane jingïalehkai, ka jingïa-khun ka la kut ha ka jingïakhaid mar 1-1 kol. Ïa ka shi kol jong ka Lakadong Umlatdoh la thep da u rangïalehkai ka Ïatylliang lang u Carius Pohtam ha ka minit kaba 64 bad ïaka kol jong ka Ïatyllilang Hingaria ka la pynphai kylla lyngba u Seibor Pohtam ha ka minit kaba 72.
Lyngba kane ka jingïakhaid, ki bor pynïaid ki la pynïashut da ka tie-breaker ha kaba ka Ïatyllilang Hingaria ka la tam da 4-3 kol ïa ka liang pyrshah.
Haba phai sha ka pre-quarter final jong ka 3rd Division, ka Moosianglamare New bad ka Tuber Shohshrieh ki la khur ïa ka jingjop.
Ka Moosianglamare New ka la pynliem ïa ka Wahsanphaw Sohkym-phor SSC da 3-1 kol, katba ka Tuber Shohshrieh ka la jop ïa ka Mookympad SC da 3-1 kol lyngba ka tie-breaker.
Ka Moosianglamare New ka la pynliem ïa ka Wahsanphaw Sohkym -phor SSC da 3-1 kol. Ïa ki kol jong ka Moosianglamare la thep da u Meban Nongtdu ha ka minit kaba 21, u Nangjop Nongtdu (26) bad u Ebor Nongtdu (53), katba ka shi kol jong ka Wahsanphaw la thep da u Mebantei Suchiang (42).
