Shillong, Nailur 08
Ka Mawphlang SC bad ka Kharang SC ki la khur jingjop ha ka lympung ialehkai SSA U-20 4th Division Football League 2023 ha ka sngi Thodieng ha madan Polo.
Ha ka jingïakhun kaba nyngkong, ka Mawphlang ka la pynliem noh ïa ka Madanrting SC lyngba ka shi kol ba la thep da u Mebateinam Dohtdong ha a minit kaba 29.
Haba phai sha kawei pat ka jingïalehkai, ka Kharang ka la pynliem noh ïa ka Mawkasiang SC lyngba ka shi kol ba la thep da u Pasborlong Khonglukong ha ka minit kaba 28.
Ka jingïalehkai ha ka sngi Saitjaiñ kan long hapdeng ka Mawpdang SC pyrshah ïa ka Pynthorbah SC ha ka por 3:30, katba ka Lummawbah SC ïa ka Riatsamthiah SC ha ka por 5:30 janmiet.
