Jowai, Nailur 08
Ka Khliehmuchut Shangpung ka la rung sha ka quarter final ha ka lympung ïalehkai 2nd Division Football League (6th Debo Shullai Memorial Trophy) ba la pynïaid da ka West Jaiñtia District Sports Association (WJDSA).
Kane ka wan hadien ba ka la pynliem noh ïa ka Panaliar da 2-0 kol ha Kiang Nangbah Stadium Ladthadlaboh, Jowai ha ka sngi Thohdieng. Ïa kine ki ar kol jong ka Shangpung Khliehmuchut la thep da u Rangdajied Sayoo ha ka 79 bad u Dabiang Law ha ka minit ba 80+3.
Katba ha ka lympung ïalehkai (L) Kesiloy Pala Invitation Football Tournament, u Nidaïoh Dhar ula khyrwit da ka hat-trick na ka bynta ban pynlong ïa ka Mynsngat FC ba kan khur jingjop da kaba pynliem ïa ka Mookyndur da 4-1 kol.
Nalor ka hat-trick jong u Nidaïoh Dhar ha ka minit 24, 44 & 84, u Army Talang ruh ula ïoh ban thep kol ha ka minit kaba 79. Katba ka shi kol jong ka Mookyndur la thep da u Lammida o Dkhar ha ka minit kaba 41.
