Shillong, Nailur 08
Ka jingpynthut ki bor ka mariang hynne ka sngi ka la pynpulom ïa baroh ar tylli ki jingïalehkai jong ka U-19 Girls Inter District Cricket Tournament ba la pynïaid da ka Meghalaya Cricket Association.
Ha ka jingshisha ka East Khasi Hills Cricket Association ka la dei ban ïakhun pyrshah ïa ka South West Khasi Hills District Cricket Association ha ka Zone 1 jong ka Group-A ha Umbuda, Ri-Bhoi. Ka SWKH ka la shah rem ha ka jingïalehkai kaba nyng-kong ha ka Ri-Bhoi.
Ha kawei pat ka jingïakhun jong ka Zone 2, ka Tura DCA kaba la shah rem hynnin ka sngi, ka la khmih lynti ban wanphai da ka jingjop pyrshah ïa ka North Garo Hills DCA ha Salpara.
