Shillong, Nailur 08
Ka kynhun ïalehkai ka Jylla ka la wanphai da ka jingjop ha ka lympung ïalehkai Junior Boys’ National Football Cham-pionship na ka bynta ka Dr. B. C. Roy Trophy 2023-24, hadien ba ka la lah ban pynliem noh ïa ka Jammu & Kashmir da 4-0 kol ha ka sngi Bhubanesh -war, Odisha.
Watla kane ka kynhun hapoh ka jingïalam u Bah Jeffrey Warlarpih (Coach) ka la mad ïa ka jingshah rem ha ka jingïalehkai kaba nyngkong jong ka Group-B ha ka West Bengal da 3-2 kol, pynban ha kane ka jingïakhun kaba ar ka la lah ban ïalehkai bha naduh kaba sdang.
Hapdeng kane ka jingïakhun ka Meghalaya ka la ïoh ban pynkhih jar nyngkong eh lyngba u Pynshailang L. Nonglait ha ka minit kaba 17. Hashwa ban kut ka jingïalehkai jong ka kylla step ka Meghalaya ka la pynbud biang ïa ka kol kaba ar lyngba u Mebanlamlynti Masharing ha ka minit kaba 40 na ka bynta ban tam da 2-0 kol.
Hadien lai minit ba la bteng biang ïa ka jingïakhun jong ka kylla miet, ka Meghalaya ka la thep biang ïa ka kol kaba lai lyngba u Samewon Khonglah, uba la ïohpdiang ïa ka nam Man of the Match. Ïa ka kol kaba saw la thep da u Alicestar Thangkhiew ha ka minit kaba 68 na ka bynta ban khur syndon ïa ka jingjop.
Kane ka kynhun ïalehkai ka Jylla kan pynkhreh ia ïka jingïakhun ba khatduh ha kane ka group pyrshah ïa ka Kerala ha ka 10 tarik.
