Bromwich, Nailur:
Katkum ki khubor la iathuh ba ka tnat pulit jong ka England, ki la ioh kem ia uwei u ‘len lum (Python) uba la ioh ban iaid sahuh bad pynher krad ia ki paidbah kiba iaid lynti ha ka surok Harwood Street bad kumjuh ruh ki paidbah nongshong shnong jong ka thaiñ West Bromwich kiba la lap bad iohi ia utei u ‘len lum.
Ki pulit ka West Midlang ki la pyllait ia ka dur ha katei ka jingïoh jongki ban kem ia utei u ‘len lum ha katei ka jingjia, ha kaba la iohi ba utei u ‘len lum uba don rong stem bad la iohi ruh ia katei ka kynhun pulit katba ka dang ialeh ban kem ia utei u ‘len lum ha katei ka sngi.
Katei ka tnat pulit ha katei ka sngi, ka la pyllait ia katei ka dur ha ryngkat katei ka khubor kaba la pynkyndit ia ki nongshong shnong katei ka ri hadien ba ki la iohi ia ka jingkloi jong ki pulit ban len lade na ka bynta ka shong-suk shong-saiñ bad ban tehlakam ia ki jingma kiba ap ia ki riew paidbah la ka long ha kino- kino ruh ki jingjia ba kum ki pulit ki hap ban mih sha khmat na ka bynta ka jingshngaiñ jong ka imlang-sahlang.
Dang ha une u bnai ba la lah, ha kawei ka video ba la saphriang paidbah, la ong ba ki paidbah jong ka ri Australia ki dap da ka jing kyndit bad ka jing sheptieng ruh ha kajuh ka por haba ki iohi ia uwei u ‘len lum uba heh bha ba duba leit ban kyllaiñ najrong jong kawei ka ïing briew hapoh katei ka ri bad baroh kiba don ha katei ka jaka ki la mih shabar ban phet krad na utei u ‘len lum uba la ioh ban leit poi sha katei ka iing ha katei ka por.
