New Delhi, Nailur:
Kane ka khynnah 16 snem kaba long ka nong Britain bad Pakistan, ka la ioh ia ka rekod ba thymmai da kaba wan shakhmat duh ha ki 34 tylli ki sobjek jong ka kyrdan Generall Certificate of Secondary Education (HCSE) ha London. Ia katei ka khynnah la ithuh kyrteng ka Mahnoor Cheema bad ka la ioh ia ka jingkhublei na u Myntri Rangbahduh ba rim ka Pakistan u Nawaz Sharif bad Shehbaz Sharif hapoh United Kingdom.
U Shehbaz Sharif ha ka jingkren kaba u la pyllait paidbah, u la ong ba ka long ka kabu kaba khraw ia u ba un ioh ban kynduh ia ki khynnah samla kiba stad bad kiba shemphang kum ka Mahnoor Cheema, da ka jinglah jongki ban ioh ia ka Grade-A* ha ki sobjek kiba ka pule naduh ka Maths & Astronomy haduh ka French bad Latin ruh kumjuh.
Kumta ruh u Sharif u la ong ba ka jinglah jong katei ka khynnah, ka la wanrah nam bad burom ia ka ri Pakistan ha kane ka por bad ka la ialam lynti bad long ruh ka nuksa ia kiwei pat ki khynnah bad samla pule jong ka ri ba kin bud ia ki dienjat jongka ban trei shitom ha ki jingpule bad ki kam ki jam ba ki pule bad trei.
