Kahramanmaras, Nailur:
Ha kawei ka jingjia la ong ba kawei ka trok ka la leit kum tynrah bakla ia ka kynhun ki nongleit ontep briew hapoh ka thaiñ Shathie-mihngi jong ka nongbah Kahramanmaras ka Turkey. Ha kane ka jingjia 5 ngut ki briew ki la khlad noh bad 25 ngut pat ki la mynsaw bad pynkit noh sha ki jaka sumar kiba don ha katei ka nongbah.
Katkum ki tyllong khubor ba la ioh lum, la ong ba ka ‘Brake’ jong katei ka trok ka la thud bad kumta kam shym lah shuh ban pynsangeh ha katei ka por ba ka la leit rung sha u lum jingtep uba don hapdeng ka jingiaid lynti jongka bad dei ha katei ka por ba ka la kum leit rat beit- beit ia kitei ki briew kiba dang leh burom khatduh ha katei ka jaka.
Tat haduh jong ka step Lah Sngi U Blei, la ioh jingtip ba ka jingiap jong kitei kiba ngat ha kane ka jingjia ka dang neh hi 5 ngut, ha kaba 25 ngut pat ki dang shah sumar bad don ruh katto- katne ngut kiba la mynsaw jur bad kiba don hapdeng ka jingma.
Katkum ki dur ba la pyn saphriang da ka tnat DHA jong ka Turkey, la iohi ia katei ka trok kaba la kylla lyndang bad leit ban pat ia kawei ka kali kaba don ha katei ka jaka.
