C. B. Iawphniaw
U briew u dei hi u briew la u long u Patsha, u Syiem, U Phadri, u Pastor, U Phadar, u nongrep, u nongkhaii uba duk ne uba riewspah u nongkhrong ne u nongbylla sngi baroh ki ioh kajuh ka jingai bad jingkyrkhu na u Blei bym lah iohi. Kynmaw ngi dei ban don ka mynsiem sngewrit bad ïa ïeit para briew namar kane ka long kaba kongsan tam eh ha pyrthei. Ka jingbishni bad pihuiñ para briew ka wanrah ïa ka jingjot ïa ka imlang ka sahlang ha pyrthei. Namar u Blei um ju peit shiliang iano iano ruh kum mangi ki briew. U Blei u ieit ïa baroh ki jait jingthaw hapoh khrum ka bneng bad ha pyrthei bad hapoh duriaw. U Blei u don ka bor kaba mangi ki briew ngim lah ban snem ne tip ïa ka jingthmu jong u Blei. Dei tang u Blei uba lah ban pynïapher ïa ngi ki briew kumba long ïa u shynrang bad ka kynthei. Ngi ki briew ngim donbor ei ei namar ngi lah ban khlad noh na kane ka sla pyrthei ha kano ma kano ka por kaba u Blei u la buh. Kumta to ngin phai sha u Blei ym ha ki jinghikai khyllah jong kane ka pyrthei. Kane ka long ba phin suk phin saiñ hapoh ka mynsiem jongnga bad jongphi.
